ენერგო კოშკურა: სიმძლავრე 15 დედამიწისთვის?

მკვლევარებმა შექმნეს დიზაინი იმ დანადგარისა, რომელიც კვლევის თანახმად, გამოიმუშავებს იმაზე 15-20-ჯერ მეტ ელექტრო ენერგიას, ვიდრე მსოფლიო მოიხმარს დღეს. ამასთანავე, აღნიშნული დანადგარის გამოყენება შესაძლებელი იქნება გლობალური დათბობის საწინააღმდეგოდაც.

დედამიწის ელექტროენერგიით მომარაგებაც და გლობალური დათბობის წინააღმდეგ ბრძოლაც – ორივე საკმაოდ ფართო მასშტაბის პრობლემებია, თუმცა, მიუხედავად ამისა, ისრაელის ტექნიკური უნივერსიტეტის პროფესორები იმედოვნებენ, რომ ენერგო კოშკურა იქნება აღნიშნული პრობლემების მოგვარების მთავარი საშუალება. კვლევაზე 1983 წლიდან მუშაობდნენ და უამრავი დრო და ენერგია დახარჯეს ცდების ჩატარებაში, კოშკურის დიზაინის შექმნაში, მონაცემების ანალიზში…

პროექტის დამფუძნებელი, პროფესორი დენ ზასლავსკი განმარტავს, რომ დაახლოებით 900 მეტრის სიმაღლის და 300 მეტრის დიამეტრის მქონე კოშკურა მუშაობს გარდაქმნის ფუნდამენტური პრინციპების თანახმად: ცხელ აირს გარდაქმნის ცივად. კოშკურის სათავეში დამატებული იქნება ცივი წყალი, რომლის მეშვეობითაც ცხელი ჰაერი ჩაიძირება კოშკურის ფსკერზე, შეიკუმშება იმ სიჩქარით, რა სიჩქარითაც ის დაეშვება ფსკერისკენ, შემდეგ სიმძლავრე გადაეცემა ტურბინას, ტურბინა მიმაგრებული იქნება გენერატორს, სწორედ ეს გენერატორი აწარმოებს საბოლოოდ ელექტრო ენერგიას.

გამომდინარე იქიდან, რომ ფუნქციონირებისათვის ცხელი ჰაერია საჭირო, შეიძლება ითქვას, რომ კოშკურა მზის ენერგიაზე მუშაობს, ყოველ შემთხვევაში, გარკვეული თვალსაზრისით ის ამ ტიპის დანადგარია. უმთავრესი მნიშვნელობა აქვს გეოგრაფიულ მდებარეობასაც. კონცეფციაზე მომუშავე გუნდმა უკვე განსაზღვრა კონკრეტულ რეგიონებში მდებარე, დაახლოებით 40 სახელმწიფო, სადაც შესაფერისი მშრალი და ცხელი კლიმატი ფიქსირდება. ესენია: ახლო აღმოსავლეთი, ავსტრალია, ჩრდილოეთ აფრიკა, კალიფორნია, მექსიკა.

მკვლევარები ვარაუდობენ, რომ წარმოებული ელექტრო ენერგია იქნება იაფი: 1 კილოვატ საათი 2.5 ცენტი. რაც 3-ჯერ უფრო იაფია ისრაელში დღეს არსებულ ტარიფთან შედარებით. ამავე დროს ის იქნება მზის, წყლის, და ქარის ენერგიაზე იაფიც.

ბოლო საფეხური: ამ ბრწყინვალე აღმოჩენის ხორცშესასხმელად, მეცნიერები ცდილობენ ინვესტორების მოძიებას რათა ააგონ ენერგო კოშკურის პროტოტიპი და პრაქტიკაში დაიწყონ რევოლუციური პროექტის განხორციელება. საბოლოოდ, მათ მიაჩნიათ რომ მიაგნეს ფართო მოსახლეობისთვის იაფი ენერგიის მიწოდების უნიკალურ საშუალებას.

წამება მეცნიერების სახელით!

კაცობრიობის არსებობის მანძილზე უამრავი მეცნიერული კვლევა თუ ექსპერიმენტია ჩატარებული. მაგრამ! იმას, რასაც ინტერნეტ სივრცეში გადავეყარე გამართლება ნაღდად არ აქვს. What the fuckin’ hell is that?! ეს არის ცხოველების წამება, სახელწოდებით – ძროხები ფანჯრით!!! ხო, აი ზუსტად ასე წერენ სტატიებში – ძროხები პატარა სარქველებით, პატარა ფანჯრებით, კათეტერით. უფრო კონკრეტულად:

აშშ-ში, ოჰაიოს შტატის სახელმწიფო უნივერსიტეტის შინაურ ცხოველთა კვების დეპარტამენტი ატარებს ექსპერიმენტს ძროხებზე. პირუტყვები არაფრით განსხვავებულები არ არიან სხვა თავისნაირებისაგან, გარდა ერთისა: ყველა მათგანს ფერდში ჩადგმული აქვს კათეტერი. ოჰაიოს უნივერსიტეტის მკვლევარების კვლევის საგანს წარმოადგენს პროცესი, რომელიც მიმდინარეობს კუჭში; რა ცვლილებას განიცდის საკვები; როგორ მიმდინარეობს ნივთიერებათა ცვლა…

2-3 წლის საქონელს უკეთებენ ანეზთეზიას და ამის შემდეგ სხეულში უთავსებენ კათეტერს. პროცესი დაახლოებით ერთ საათს გრძელდება. კათეტერს გააჩნია თავისი ხუფიც. რაც აუცილებელია იმისათვის, რომ ბაქტერიები და მავნე ნივთიერებები გარედან პირდაპირი გზით არ მოხვდეს კუჭში. მართალია, ანეზთეზირებული ცხოველები ოპერაციის დროს ტკივილს არ განიცდიან, თუმცა თავისი არსით ქმედება, ჩემთვის, წამებაა და მეტი არაფერი!

როგორც თვითონ მკვლევარები აცხადებენ, ასეთი ძროხების ჯანმრთელობის მდგომარეობა ოპერაციის შემდეგ ჩვეულებრივად სტაბილურდება და მათ ჯანმრთელობის მხრივ არაფერი აწუხებთ. ორგანიზმში ჩვეულებრივად მიმდინარეობს ქიმიური პროცესები.

ერთია რასაც მკვლევარები ამტკიცებენ, მეორე – ის, თუ რასთან გვაქვს რეალურად საქმე. მსგავსი ტიპის ექსპერიმენტები, ჩემთვის, ცალსახად მიუღებელია! თავად განსაჯეთ.

სუსტი ნერვების მქონე ადამიანებს ვურჩევ ვიდეო არ ნახონ.

ვიდეო N2
ვიდეოN3
ვიდეოN4

სოციალური ქსელებით გავრცელებულია პეტიცია, სადაც ყველა ის ადამიანი აწერს ხელს, ვინც მსგავსი აქტების წინაღმდეგია და მოითხოვენ, რომ სასწრაფოდ შეწყდეს ცხოველებზე ამგვარი ექსპერიმენტების ტარება. იხ. პეტიცია 

პ.ს. ოჰაიოს გარდა მსგავსი ექსპერიმენტები უკვე მიმდინარეობს აშშ-ს სხვადასხვა შტატის კოლეჯებისა თუ უნივერსიტეტების აგრონომიული ფაკულტეტებზე.

გიჟური კონცეფციის პრაქტიკული განხორციელება

დროთა განმავლობაში ტექნოლოგიური განვითარება რომ პროგრესს განიცდის და სულ უფრო წინ მიდის ეს სიახლეს არ წარმოადგენ. ის რაც ეხლა მინდა წარმოგიდგინოთ გახლავთ ახალგაზრდა ფრანგი გამომგონებლის ფნერკი ზაპატას დასრულებული პროექტი Flyboard Zapata. ეს გახლავთ მოწყობილობა, რომლის მეშვეობითაც შესაძლებელია როგორც წყალში სწრაფად ცურვა, ასევე წლის ზედაპირზე რამდენიმე მეტრის სიმაღლეზე ფრენა.

მექანიზმი არც ისე რთულად  მოწყობილი  გახლავთ. დანადგარი მილის მეშვეობით მიერთებულია წყლის მოტოციკლის ძრავზე. ძრავიდან წყლის ნაკადი გაივლის მილს და გამოედინება დანადგარზე არსებული სპეციალური 2 დაბოლოებით. სწორედ გამოტყორცნილი წყლის ენერგიითაა შესაძლებელი  წყალქვეშ ცურვა და 5-6 მეტრის სიმაღლეზე ფრენა.

გარდა ამისა, Flyboard-ს გააჩნია 2 მილი, რომლებიც ხელებზე მაგრდება და ადამიანს ეხმარება წონასწორობის შენარჩუნებასა და კოორდინაციაში. მაშ ასე, ესეც თქვენ ახალგაზრდა ფრანგის გამოგონება:

 

და ბოლოს: გადაიხადეთ 4 900 ევრო და Flyboard თქვენი საკუთრება გახდება! 🙂