საინტერესო ფაქტები ფეხბურთელებზე

საფეხბურთო გვერდი – 8 Fact Football ტვიტერზე საკმაოდ საინტერესო ინფორმაციას ავრცელებს ხოლმე ფეხბურთსა და ფეხბურთელებზე. ასე მაგალითად:

ლუის სუარესის ქალიშვილს დელფინა ჰქვია. ეს სახელი ენფილდის (ლივერპულის სტადიონი) ანაგრამაა
cxrili

მანჩესტერ სიტისა და არგენტინის ეროვნული ნაკრების ფეხბურთელ კუნ აგუეროს მარჯვენა ხელზე ტატუ აქვს გაკეთებული წარწერით “კუნ აგუერო” – ელფების ენაზე.

aguero

პორტუგალიისა და მადრიდის რეალის ფეხბურთელი პეპე თმას არ იჭრის, იმის გამო რომ მის ქალიშვილს უყვარს ფეხბურთელის თმით თამაში.

pepeee
კაკა პირველი ბრაზილიელი ფეხბურთელია, რომელმაც ევროპის ჩემპიონთა ლიგის გათამაშებაზე 30 გოლის გატანა მოახერხა
kakaaa

FA Cup – მსოფლიოში უძველესი შეჯიბრი/გათამაშებაა, რომელიც სათავეს იღებს 1871 წლიდან.

tasi
1995 წლის შემდეგ პრემიერ ლიგის გათამაშებაში ლონდონის არსენალს არასოდეს აქვს დასრულებული სეზონი ტოტენჰემზე უფრო ქვედა საფეხურზე
aaaaaaaaaaaaa
ფრანგულ მონაკოს ფეისბუკის ოფიციალურ გვერდზე უფრო მეტი კოლუმბიელი გულშემატკივარი ყავს, ვიდრე ფრანგი. (18.2% – კოლუმბიელი, 13.6% – ფრანგი)
mooooooo
არაბულ ენაზე “ბენტეკე” ნიშნავს – “შენი ქალიშვილი”

benteke
პრემიერ ლიგის უკანასკნელი 127 შეხვედრიდან, როდესაც  ლონდონის ჩელსი 3 ბურთიან უპირატესობას ფლობდა ხოლმე,  მხოლოდ ერთ შემთხვევაში ვერ მოახერხა გამარჯვების მოპოვება. ეს იყო 2012 წელს მანჩესტერ იუნაიტედის წინააღმდეგ. 3-0-დან იუნაიტედის ფეხბურთელებმა შეძლეს ქულის მოპოვება და თამაშის ფრედ 3-3 დასრულება.
maniuuuu
პრემიერ ლიგის მიმდინარე 2013/2014 წლის გათამაშებისას ყველაზე მეტი თერთმეტმეტრიანი დარტყმა ლივერპულის სასარგებლოდ დაიდო – 10-ჯერ.
liiiiiiiiiiiiii
2003/2004 წლების ევროპის ჩემპიონთა ლიგის გათამაშებიდან მოყოლებული ლონდონის არსენალი და მადრიდის რეალი ყოველ წელს მონაწილეობენ ლიგის გათამაშების პლეი-ოფში.
aeeeeeeeee
თავდაპირველად, ბარსელონამ მესისთან კონტრაქტი მას შემდეგ გააფორმა, რაც მან ფორთოხლით 113 აკენწლა, ხოლო ჩოგბურთის ბურთით – 120.
mesiiiii
მადრიდის რეალის ფეხბურთელებიდან მხოლოდ  ალფრედო დი სტეფანოს და კრიშტიანო რონალდოს აქვთ მადრიდის ატლეტიკოსთვის ჰეთრიკი გატანილი.
krrrrrrr
მას შემდეგ, რაც ლონდონის არსენალმა უკანასკნელად მოიპოვა თასი (8 წელია გასული ტიტულის გარეშე) არსენ ვენგერმა ფელფასის სახით  63.5 მილიონი ფუნტი გამოიმუშავა.
weeeeeee
2022 წელს მსოფლიო ჩემპიონატი ფეხბურთში ჩატარდება ყატარში. ინფრასტრუქტურის მშენებლობას უკვე 900-ზე მეტი მუშის სიცოცხლე შეეწირა.
900
2003 წელს, არსენალთან მარცხის შემდეგ, გასახდელში, ფერგიუსონის მოქნეული ბუცი ბექემს სახეში მოხვდა და წარბი გაუხეთქა.
beeee
პეპ გუარდიოლას მიუნხენის ბაიერნმა რეკორდულ დროს, ბუნდესლიგის დასრულებამდე 7 ტურით ადრე მოახერხა გამარჯვებულის ტუტილის მოპოვება.
peeeee

 

სტადიონები ყველაზე სანახაობრივ ადგილებში

მსოფლიოში ძალიან ბევრი ცნობილი საფეხბურთო მოედანია აგებული, სადაც ასევე ცნობილი საფეხბურთო კლუბები თუ ქვეყნების ნაკრებები თამაშობენ. თუმცა, არსებობენ ისეთი სტადიონებიც, რომლებიც მომხიბლავია არა მხოლოდ არქიტექტურული თვალსაზრისით ან დამსწრეთა რაოდენობით, არამედ – მდებარეობით.

10. Hernando Siles-ის სახელობის სტადიონი. მდებარეობს ბოლივიის დედაქალაქ ლა პასში. ქვეყნის მასშტაბით ყველაზე დიდი სპორტული კომპლექსია და იტევს 38 000 ადამიანს. ემსახურება 3 საფეხბურთო გუნდს. ერთ-ერთია იმ სტადიონთა შორის, რომელიც ზღვის დონიდან ყველაზე მაღლა მდებარეობს – 3 637 მეტრი.
10

9. Victoria სტადიონი გიბრალტარში. იტევს 5 000 ადამიანს. გიბრალტარის ეროვნული ნაკრები სწორედ ამ მოედანზე ატარებს საშინაო შეხვედრებს. მოედნის თავზე დიდი კლდეა აღმართული, რაც მოედნის უნიკალურობას უსვამს ხაზს.
9

8. Hasteinsvollur – მოედანი ისლანდიაში. იტევს 2 834 ადამიანს. ქვეყნის ეროვნული ნაკრები და უმაღლესი დივიზიონის კლუბი IVB სწორედ ამ ადგილზე თამაშობენ. მოედნის გვერდით დიდი ვულკანია. სტადიონიდან არნახული ხედი იშლება.
8

7. Kantrida Stadium – ხორვატია. მოედნის ტევადობა 12 000 ადამიანია. ვარჯიშობს ადგილობრივი კლუბი HNK Rijeka. სტადიონი ადრიატიკის ზღვასა და კლდეს შორის მდებარეობს, რაც უსვამს კიდეც ხაზს მის უნიკალურობას.
7

6.  Estadi Comunal d’Andorra la Vella – ანდორა. მდებარეობს დედაქალაქ ანდორაში. საშინაო არენაა ეროვნული ნაკრების და იტევს დაახლოებით 1 000 ადამიანს. მოედანი პირენეის მთებითაა გარშემორტყმული.
6

5. Stadion Gospin Dolac – სტადიონი ხორვატიაში. 1989 წელს აიგო და მესამე დივიზიონის კლუბის NK Imotski საშინაო არენაა. მაქსიმუმ 4 000 ადამიანს იტევს
5

4. Rheinpark Stadion – ლიხტენშტეინი. სტადიონი დედაქალაქ ვადუცში მდებარეობს. ტევადობა – 6 000 ადამიანი. ვარჯიშობს ადგილობრივი გუნდი FC Vaduz. სტადიონიდან რამდენიმე მეტრში შვეიცარიის საზღვარია და კარგად ჩანს შვეიცარული ალპებიც.
4

3. Marina Bay (The Float Stadium) – სინგაპური. სტადიონის უნიკალურობა იმაში მდგომარეობს, რომ ის ტივტივებს წყალზე! დაახლოებით 9 000 ადამიანს იტევს. იმართება არა მხოლოდ საფეხბურთო მატჩები, არამედ სხვადასხვა სპორტული და არასპორტული ღონისძიებები.
1

2. Eidi Stadium – ფარერები. არ იქნება ხმამაღალი ნათქვამი თუ კი ვიტყვით, რომ ეს ერთ-ერთი ყველაზე უნიკალური სტადიონია მსოფლიოში, რომელიც ატლანტიკის ოკეანის ნაპირზე მდებარეობს. პროფესიონალური დონის დაპირისპირებები პრაქტიკულად არ იმართება, ვინაიდან გულშემატკივრების დასწრება შეუძლებელია ტრიბუნების არარსებობის გამო.
2

1. Ottmar Hitzfeld Stadium – შვეიცარია. სტადიონი ევროპის მასშტაბით ყველაზე მაღლა მდებარეობს – ზღვის დონიდან 2 000 მეტრის სიმაღლეზე. გამომდინარე იქიდან, რომ მოედანი მთებშია ჩასმული, ადგილამდე მისასვლელი ერთად-ერთი საშუალებაა საბაგირო.
3

2013 წლის ზაფხულის ხმაურიანი ტრანსფერები

ედისონ კავანი

ედისონ კავანი

2012/2013 წლის სეზონის ზამთრის სატრანსფერო ფანჯარამ ხმაურიანი სიახლეების გარეშე ჩაიარა, რაც ვფიქრობ ბევრისთვის მოულოდნელი ნამდვილად არ ყოფილა. საფეხბურთო წელი ნელ-ნელა დასასრულს უახლოვდება. ევროპის წამყვან  ჩემპიონატებში პრაქტიკულად გადაწყვეტილია გამარჯვეულის ბედი, ვინაობა.  ევროპის ჩემპიონთა ლიგაც გადამწყვეტ ფაზაში შედის და დაპირისპირებებიც სულ უფრო საინტერესო და დრამატული ხდება. რისი ცოცხალი დადასტურებაა მანჩესტერ იუნაიტედისა და მადრიდის რეალის ორმატჩიანი დუელი. გარჩევას ნაღდად არ დავიწყებ, შორს წაგვიყვანს.

დავუბრუნდები მთავარ სათქმელს – მოსალოდნელ ტრანსფერებს. სეზონის დასრულებისას კარგად გამოჩნდება ხოლმე რომელ გუნდს რომელ რგოლში (მეკარე, დაცვა, ნახევარდაცვა, თავდასხმა) ესაჭიროება ცვლილება. ზოგჯერ ფეხბურთელია ტრავმირებული, ზოგიც საერთოდ ასრულებს კარიერას. შესაბამისად გუნდებიც ცდილობენ დანაკლისი აინაზღაურონ და გამოთავისუფლებული პოზიცია ღირსეული, ადეკვატური ფეხბურთელით შეავსონ. უცხოურ პრესაში საკმაოდ აქტიურად წერენ მოსალოდნელ ცვლილებებზე. პირველ ასეთი ტრანსფერი შეეხება ლონდონური კლუბის ტოტენჰემის ფეხბურთელს გარეთ ბეილს. უელსელი ნამდვილად შთამბეჭდავ სეზონს ატარებს და პრაქტიკულად ყველა შეხვედრაში იტანს გოლს ან აკეთებს შედეგიან გადაცემას.  არაერთი გადამწყვეტი გოლი აქვს შეგდებული. არსებობს  ინფორმაცია, რომ 23 წლის გარემარბის შესაძენად მადროდის რეალს 50 მილიონი ევრო აქვს გადადებული. რომან აბრამოვიჩსაც სურს მისი საკუთარ გუნდში ხილვა. დაინტერესებულები არიან ასევე მიუნხენის ბაიერნი და კატალონიური ბარსელონაც.

სებასტიან როდე

სებასტიან როდე

გავრცელდა აზრი, რომ მოურინიოს გარეთ ბეილი პორტუგალიელი კრისტიანუ რონალდუს შემცვლელად ჭირდება. რონალდუ 2009 წელს გადავიდა მანჩესტერ იუნაიტედიდან სამეფო კლუბში. The Daily Star-ის ცნობით ფერგიუსონს მისი უკან დაბრუნება სურს და მზადაა 55 მილიონიც გადაიხადოს.

http://www.givemefootball.com-ის ცნობით, მომავალი წლიდან ბრაზილიელმა ფენომენმა ნეიმარმა შესაძლოა ევროპაში ითამაშოს. მისი შეძენით ჩელსი და მანჩესტერ სიტია დაინტერესებული. თვითონ ფეხბურთელისთვის კი ყველაზე სასურველი გუნდი კატალონიური ბარსელონაა.

მომავალი სეზონიდან მიუნხენის ბაიერნს პეპ გუარდიოლა გაწვრთნის. უკვე ცნობილია, რომ მისი №1 სამიზნე – დორტმუნდის ბორუსიას ერთ-ერთი წამყვანი ფეხბურთელი რობერტ ლევანდოვსკია.  როგორც http://www.rantsports.com წერს 24 წლის  პოლონელ თავდამსხმელს კონტრაქტი 2014 წელს ეწურება. გახანგრძლივებას არ აპირებს და ოცნებობს ინგლისში თამაშზე. 2010 წლიდან თამაშობს დორტმუნდის ბორუსიაში და 82 შეხვედრაში 44 გოლი აქვს გატანილი, რაც საკმაოდ კარგი მაჩვენებელია. თავად ლევანდოვსკიზე კი საკმაოდ დიდი მოთხოვნაა – მანჩესტერ იუნაიტედი, ჩელსი, მანჩესტერ სიტი, არსენალი, პე-სე-ჟე.

http://www.givemefootball.com ავრცელებს ინფორმაციას,

ესიენ კაპუ

ესიენ კაპუ

თითქოსდა განიხილება შემდეგი გარიგება: მადრიდის ატლეტიკოს კოლუმბიელი თავდამსხმელი რადამელ ფალკაო შესაძლებელია გადავიდეს ჩელსიში. სანაცვლოდ კი ტორესი დაბრუნდება თავის ყოფილ გუნდში.

ცნობილი ბრიტანული ინტერნეტ გამოცემა http://www.goal.com-ის თანახმად, მანჩესტერ სიტი ცდილობს თავის რიგებში გადაიბიროს ურუგვაელი თავდამსხმელი ედისონ კავანი. იტალიური ნაპოლი ფეხბურთელს 60 მილიონ ევროდ აფასებს.

რამდენიმე საფეხბურთო გამოცემა წერდა უეინ რუნის შესაძლო წასვლის შესახებ, მაგრამ დღეს http://www.eurosport.com-მა გაავრცელა სტატია. სტატია დასათაურებულია ფერგიუსონის სიტყვებით: “რუნი შემდეგ წელიწადს აქ იქნება”.

http://www.mirror.co.uk-ის თანახმად მანჩესტერ სიტი სამირ ნასრის შემცვლელად ალკმაარის ფეხბურთელის ადამ მეჰერის გადაბირებას ცდილობს. 19 წლის გამთამაშებელმა  უკვე მიიქცია ჩელსის და არსენალის ყურადღებაც.

რაც შეეხება ლონდონის არსენალს, არსენ ვენგერს და მოსალოდნელ ტრანსფერებს. პე-სე-ჟე-ს სურს მწვრთნელად არსენ ვენგერი. მაგრამ, თვითონ ვენგერის თვალში კი ბევრი ფეხბურთელია მოხვედრილი. სავარაუდო გადმომსვლელების სია ასე გამოიყურება:

1. Jovetic (£25m)
2. Gotze (£25m)
3. Étienne Capoue (£12m)
4. Sebastien Corchia ( Right back as replacement of SAGNA)
5. David Villa (£14m)
6. Victor Valdes (£10m)
7. Victor Wanyama (£12m)
8. Pepe Reina (£10m)
9. Stephan El-Shaarawy (£25m)
10. Nicolas N’Koulou (Centre back, £10m)
11. Sebastian Rode (Central midfielder, £7m )
12. Christian Benteke (£11m)

როგორც არსენალის გულშემატკივარი, ვერ ვხედავ საჭიროებას პეპ რეინას ან ვიქტორ ვალდესის ყიდვის. სებასტიან როდე ძალიან კარგი ფეხბურთელია და ნამდვილად სასარგებლო იქნება. მიკელ არტეტა არაა ცუდი საყრდენი, მაგრამ ვთვლი, რომ ჩაიარა მისმა საუკეთესო წლებმა და თუ კი გუნდი მომავალზე, წარმატებულ მომავალზეა ორიენტირებული მაშინ სიახლეა საჭირო. ესიენ კაპუ კარგი არჩევანი იქნებოდა. Mario_Gotze
სებასტიან ბენკეტეზე, გიოტცეზე, ელ შაარავიზე და იოვეტიჩზე არაფერს ვამბობ, გამომდინარე იქიდან, რომ ძალიან ნაკლებად ვვარაუდობ კლუბში მათ მოსვლას. ისე, ბრიტანულ პრესაში იწერება იმის შესახებ, რომ ლონდონის არსენალს არაბები ყიდულობენ მილიარდ ნახევარ ფუნტად. თუ კი მართლა ასეც მოხდა, იდეაში ფეხბურთელებშიც მეტი ფული  უნდა დაიხარჯოს. არაფერია გამორიცხული და საინტერესოა როგორ ჩაივლის საზაფხულო სატრანსფერო პერიოდი.

პ.ს. არადა როგორ არ მიყვარს ამ არაბების ჩარევა ფეხბურთში.

ლონდონის არსენალი – მე

ჩრდილოეთ ლონდონის მეფე; ესთეტიური ფეხბურთის დესპანი; მსოფლიო დონის საფეხბურთო ვარსკვლავების ინკუბატორი;support-arsenal ლამაზი, სხარტი, კომბინაციური შეტევის ერთგული;  უდავოდ დიდი და წარმატებული ისტორიის მქონე გუნდი – ლონდონის არსენალი 1886 წელს დაფუძნდა.

ზემოაღნიშნული, ღრმად საპატივცემული ჩემი ფავორიტი გუნდი 2012 წელს მსოფლიოში მე-4 ადგილზე იმყოფებოდა ფინანსური შესაძლებლობის მხიედვით – შეფასდა რა მისი ღირებულება 1 მილიარდ 300 მილიონ დოლარად.

რატომ გავუსვი ფინანსურ შესაძლებლობებს ხაზი?
ფეხბურთის მოყვარულებს კარგად მოეხსენებათ შემდეგი: ძალიან იშვიათად, რომ ლონდონის არსენალმა 30-35 მილიონი გადაიხადოს ფეხბურთელში. პრაქტიკულად გამორიცხულია მსგავსი თამასააწეული, ხმაურიანი ტრანსფერი არსენალში გადმომსვლელ ფეხბურთელს შეეხებოდეს. “ჩვენ არ ვყიდულობთ ვარსკვლავებს, ჩვენ ვქმნით მათ” – კლუბის თავკაცის, მთავარი მწვრთნელის არსენ ვენგერის სიტყვებია. ერთ წინადადებაში ჩატეული საფეხბურთო კლუბის მთლიანი პოლიტიკა. მაღალი დონის ფეხბურთელებად ჩამოყალიბების შემდეგ გაყიდული მოთამაშეების გვარები ნამდვილად შთამბეჭდავად გამოიყურება: ცესკ ფაბრეგასი (ბარსელონა), ეშლი კოული (ჩელსი), სამირ ნასრი, გაელ კლიში და კოლო ტურე (მანჩესტერ სიტი), რობინ ვან პერსი (მანჩესტერ იუნაიტედი), პატრიკ ვიეირა (არსენალიდან იუვენტუსში გაიყიდა თავის დროზე) ემანუელ ადებაიორი (გაიყიდა სიტიში, თუმცა, ტოტენჰემის ღირსებას იცავს დღესდღეობით)…

ლონდონის არსენალმა ბოლო წარმატებას 2005 წელს მიაღწია – მოიგო რა FA Cup (The Football Association Challenge Cup). ცნობისთვის, აღნიშნული გათამაშება უძველესია მსოფლიოში. მანამდე იყო დაუვიწყარი 2003/04 წლების სეზონში დაუმარცხებლად მოგებული პრემიერ ლიგის ჩემპიონატი. სხვათაშორის ლონდონის არსენალს ეკუთვნის პრემიერ ლიგაში დამყარებული რეკორდი – 49 მატჩიანი წაუგებელი სერია.

2005 წლის შემდეგ მერვე წელია გუნდს თასი არ მოუპოვებია. არადა ამ რვა წლის განმავლობაში:

1. ამერიკის შეერთებული შტატების ისტორიაში ქვეყანას პირველად სათავეში ჩაუდგა აფრო ამერიკელი;

2. ავღანეთში პირველად გაიმართა ქვეყნის საფეხბურთო ჩემპიონატი (2012 წელი),

3. ლონდონის ჩელსიმ პირველად მოიპოვა ევროპაში უძლიერესი გუნდის ტიტული – დაამარცხა რა ფინალში მიუნხენის ბაიერნი 1-1 (პენ.4-3) გახდა ჩემპიონთა ლიგის გამარჯვებული;

4. მოკლეს მსოფლიოში №1 ტერორისტად აღიარებული ოსამა ბინ ლადენი (2011 წლის 2 მაისი)

5. ესპანეთის ეროვნულმა ნაკრებმა პირველად მოიგო მსოფლიო ჩემპიონატის გათამაშება ფეხბურთში – დაამარცხა რა ჰოლანდიის ეროვნული ნაკრები 2010 წელს, ანგარიშით 1-0.

6. ჰოლანდიის ეროვნულმა ნაკრებმა პირველად ევროპის ჩემპიონატების გათამაშების ისტორიაში, ჯგუფურ ეტაპზე წააგო სამივე შეხვედრა:
ჰოლანდია 0-1 დანია;
ჰოლანდია 1-2 გერმანია;
პორტუგალია 2-1 ჰოლანდია.

7. დამოუკიდებელი საქართველოს ისტორიაში პირველად მთავრობა/ხელისუფალი შეიცვალა არჩევნების გზით.

8. საფრანგეთში 329 ხმით 229-ის წინააღმდეგ მიიღეს კანონი ჰომოსექსუალთათვის ქორწინებისა და შვილის აყვანის უფლების შესახებ (2013 წელი);

9. დედამიწაზე მოსახლეობის რაოდენობამ გადააჭარბა 7 მილიარდს;

10. დაიღუპნენ: კურტ ვონეგუტი (2007 წელი); მაიკლ ჯექსონი(2009); ბენაზირ ბჰუტო(2007); დენის ჰუპერი(2010); მარსელ მარსო(2007); ლუჩიანო პავაროტი(2007); ელიზაბეთ ტეილორი(2011); კარლო პონტი(2007); სტივ ჯობსი (2011); ბორის ელცინი(2007); ლესლი ნილსენი(2010); ემი ვაინჰაუსი (2011); გარი სპიდი (2011); ვაცლავ ჰაველი (2011)…

11. 2005 წლის მერე, ლონდონის არსენალმა წააგო 4 ფინალი.
ა) ბარსელონა 2-1 არსენალი (ჩემპიონთა ლიგა 2005-06)
ბ) ჩელსი 2-1 არსენალი (English Community Shield 2005-06)
გ) ჩელსი 2-1 არსენალი (ინგლისის ლიგის თასი 2006-07)
დ) ბირმინგემი 2-1 არსენალი (ინგლისის ლიგის თასი 2010-11)

დრო გადის…
სამყაროში რაღაცები იცვლება…
არსენალის მონაგარს კი ბოლო 8 წელიწადია არაფერი შემატებია… Arsenal-Arsene+Wenger+cropped
წელს სავარაუდოდ ტოპ ოთხეულში კვლავ იქნებიან მეთობეები. პრემიერ ლიგის პირველ ადგილზე ფიქრი არარეალურია, ზემოაღნიშნული FA Cup-ის წლევანდელი გათამაშებაც, სამწუხაროდ, უკვე დასრულდა არსენალისთვის. დარჩენილია “ჩემიონთა ლიგა”-ის საკმაოდ რთული და საინტერესო ეტაპები…

ფეხბურთის მოყვარულები ერთად ვიხილავთ შედეგებს. რასაკვირველია “Gunners” ვუსურვებ წარმატებას. მომავალი სეზონიდან კი გაძლიერებული არსენალის მოგებულ ტიტულებზე არ ვიტყოდი უარს.

მსოფლიო რეკორდები ფეხბურთში

საფეხბურთო ინტერნეტ პორტალმა www.givemefootball.com – მა გამოაქვეყნა სტატია მსოფლიოს საფეხბურთო რეკორდების შესახებ.

1. ყველაზე ახალგაზრდა ფეხბურთელი, რომელმაც ინგლისის ოთხივე პროფესიონალურ ლიგაში ითამაშა – ეს გახლავთ მელვინ ჯონ რიისი. დაიბადა 1967 წლის 25 იანვარს. კარიერა ”კარდიფ სიტიში” დაიწყო და 7 წელი ამ გუნდში გაატარა. 20 წლის ასაკში გადავიდა ”უოტფორდში”. ამის შემდეგ, 2 სეზონი ”ვესტ ბრომვიჩ ალბიონში” ითამაშა. 1992-1993 წლებში კი იცავდა ”შეფილდ იუნაიტედის” ღირსებას.

2. ყველაზე მეტი ჩატარებული მატჩი ინგლისის პრემიერ ლიგაში – რა საკვირველია აქვს რაიან გიგზს.

რაიან გიგზი

უელსში დაბადებული რაიან გიგზი 1991 წლიდან ”მანჩესტერ იუნაიტედის” შემაგდენლობაშია და დღემდე მაღალი დონის ფეხბურთს თამაშობს. არასოდეს კლუბი არ გამოუცვლია და წითელი ეშმაკების მაისურით 639 შეხვედრა ჩაატარა (112 გოლი). დღეს გიგზი 38 წლისაა.

3. საფეხბურთო კლუბ ”მიდლსბროს” ფეხბურთელი მეთიუ ბრიგზი იყო ყველაზე ახალგაზრდა ფეხბურთელი ვინც პრემიერ ლიგაში ითამაშა, იქამდე ვიდრე რუბენ ნობლ-რაზარუსმა არ ითამაშა 2008 წელს ბარნსლის შემადგენლობაში. მეთიუ ბრიგზი – 16 წლის და 65 დღის; რუბენ ნობლ-რაზარუსი – 15 წლის და 45 დღის.

4. საფეხბურთო ერთ სეზონში ყველაზე მეტი გოლი გატანილი აქვს ლაიონელ მესის – 73 (ბარსელონის და არგენტინის შემადგენლობაში). მასვე ეკუთვნის რეკორდი:  უეფას ჩემპიონთა ლიგის ერთ გათამაშებაზე გატანილი ყველაზე მეტი გოლი – 14 გოლი. 

5. ყველაზე ახალგაზრდა მწვრთნელი, ვინც მოიგო ევროპული თასი – ეს გახლავთ ლონდონის ტოტენჰემის ეხლანდელი მწვრთნელი – ანდრე ვილაშ ბოაში. სულ რაღაც 33 წლის და 213 დღის იყო, როდესაც პორტუგალიურ ”პორტოსთან” ერთდ მოიგო ევროპის თასი.

6. ყველაზე ახალგაზრდა ფეხბურთელი, რომელმაც ითამაშა მსოფლიო ჩემპიონატის შესარჩევ ციკლში – ტოგოს ნაკრების წევრი სულეიმან მამამი (13 წლის და 310 დღის).

Arsenal FC

7. ლონდონის არსენალი რეკორდსმენია ყველაზე ხანგრძლივი წაუგებელი სერიით ინგლისის პრემიერ ლიგის არსებობის ისტორიაში – 2003 წლის 7 მაისიდან 2004 წლის 16 ოქტომბრამდე ზედიზედ 49 წაუგებელი მატჩით.

8. ფეხბურთის ისტორიაში ყველაზე დიდი ანგარიშით დასრულებული შეხვედრა. ამერიკული სამოა ავსტრალიის ნაკრების წინააღმდეგ სამარცხვინო ანგარიშით 31-0 დამარცხდა.

9. ყველაზე მასშტაბური დასწრება საფეხბურთო სტადიონზე. 1950 წელს, მეორე მსოფლიო ომის დასრულების შემდეგ, პირველივე მსოფლიო ჩემპიონატის ფინალს ბრაზილიისა და ურუგვაის ეროვნულ ნაკრებებს შორის 199.854 ადამიანი დაესწრო. ეს რაოდენობა, ასევე რეკორდულია სპორტულ მოვლენაზე ერთჯერადად დამსწრეთა მიხედვით ერთ სტადიონზე.

 

მსოფლიო ჩემპიონატის 5 საუკეთესო ფინალი

ფეხბურთში მსოფლიო ჩემპიონატების ფინალები ყველაზე გრანდიოზული და შთამბეჭდავი სანახაობაა. აღნიშნულ ფინალებშიც გამოირჩევა ყველაზე დასამახსოვრებელი და დრამატული თამაშები. გთავაზობთ მსოფლიო ჩემპიონატების ისტორიაში 5 საუკეთესო ფინალს ბრიტანული ინტერნეტ გვერდ www.mirror.co.uk -ის მიხედვით.

1.ურუგვაი 4-2 არგენტინა. 1930 წელი (მასპინძელი ქვეყანა: ურუგვაი).
მსოფლიო ჩემპიონატის პირველი ფინალური შეხვედრა იყო რემატჩი 1928 წლის ოლიმპიური თამაშების ფინალის. ჩემპიონატის მასპინძელი ურუგვაი გახლდათ. პირველი ტაიმი არგენტინელების უპირატესობით წარიმართა, მეორე კი – ურუგვაელების. იგებდნენ კიდეც თამაშს არგენტინელები ანგარიშით 1-2, მაგრამ საბოლოო ჯამში პირველი მსოფლიო ჩემპიონის ტიტული ურუგვაელებმა მოიპოვეს. მათ 4-2 დაამარცხეს მეტოქე.

2. ბრაზილია 5-2 შვედეთი. 1958 წელი (მასპინძელი ქვეყანა: შვედეთი)
1958 წელს ბრაზილიელებმა პირველი მსოფლიო აღიარება მოიპოვეს გახდნენ რა მსოფლიო ჩემპიონები. სწორედ აქედან დაიწყო კიდეც მათი ტრიუმფი მსოფლიო ჩემპიონატებზე, რაც დიდწილად განპირობებული იყო ფეხბურთის მეფედ წოდებული პელეს თამაშით. 1958 წლის მსოფლიო ჩემპიონატზე პელე სულ რაღაც 17 წლის იყო და ფინალში დუბლი შეასრულა. ორივე გატანილი გოლი აღნიშვნის ღირსია. საერთო ჯამში კი აღნიშნულ ჩემპიონატზე ახალგაზრდა ბრაზილიელმა 6 გოლი გაიტანა.

3. ბრაზილია 4-1 იტალია. 1970 წელი (მასპინძელი ქვეყანა: მექსიკა)
ნახევარფინალში, გერმანიასთან დამატებით დროში, ანგარიშით 4-3 მოგებული შეხვედრის შემდეგ, იტალიელები ფიზიკურადაც და ფსიქოლოგიურადაც საკმაოდ სუსტად გამოიყურებოდნენ ფინალში. საბოლოოდ ეს შედეგშიც აისახა. 1970 წელს მსოფლიო ჩემპიონის ტიტული ბრაზილიამ მესამედ მოიპოვა. აღსანიშნავია ბრაზილიელთა კომბინაციური თამაში მეოთხე გოლის გატანისას, რომელშიც 8 ფეხბურთელი მონაწილეობდა. გოლი კი ძლიერი და ზუსტი დარტყმით კარლოს ალბერტომ შეაგდო.

4. ჰოლანდია 1-2 გერმანია. 1974 წელი (მასპინძელი ქვეყანა: გერმანია)
ჰალნდიელებმა მეორე წუთზე, მაშინ როდესაც გერმანელებს ბურთისთვის ფეხი არ ქონდათ შეხებული, ანგარიში გახსნეს 11 მეტრიანი დარტყმით. თუმცა, ეს არ ააღმოჩნდა საკმარისი უპირატესობის მოსაპოვებლად და შეხვედრის გამარჯვებამდე მისაყვანად. გერმანელებმა 23-ე წუთზე საპასუხი გოლი პენალტით გაიტანეს. საბოლოო ანგარიში კი 46-ე წუთზე დაფიქსირდა: ჰოლანდია 1-2 გერმანია. 

5. საფრანგეთი 1-1 იტალია (პენ.3:5) 2006 წელი (მასპინძელი ქვეყანა: გერმანია)
2006 წლის მსოფლიო ჩემპიონატის ფინალი ნამდვილად დრამატული გამოდგა. ეს მატჩი იყო ყველაფერი მსოფლიოს ერთ-ერთი საუკეთესო ფეხბურთელისთვის ფრანგი ზინედინ ზიდანისა და იტალიელ მცველ მარკო მატერაცისათვის. ჯერ იყო და მატერაციმ საკუთარ საჯარიმოში მოწინააღმდეგის წაქცევისთვის პენალტი აიკიდა, რომელიც ზიდანმა ბრწყინვალედ შეასრულა. შემდეგ კუთხურიდან პირლოს ჩამოწოდებული თავად მატერაციმ შეაგდო. ძირითადი დრო 1-1 დამთავრდა. დამატებით დროში იტალიელთა გოლკიპერმა ჯანლუიჯი ბუფონიმ წარმოუდგენელი სირთულის თავური დარტყმა აუღო ზიდანს.  1o წუთი იყო დარჩენილი დამატებითი დროის დასრულებამდე, როდესაც მატერაცისა და ზიდანს შორის შელაპარაკება მოხდა.  ფრანგმა მეტოქეს თავი ჩაარტყა მკერდში ძლიერად. რის გამოც მიიღო კიდეც წითელი ბარათი და გაძევდა მოედნიდან. პენალტების სერიაში იტალიელებმა იმარჯვეს ანგარიშით 5-3 და მეოთხედ მოიპოვეს მსოფლიოში უძლიერესი გუნდის ტიტული.

ევრო 2012 – ჰოლანდია

2010 წლის სამხრეთ აფრიკის მსოფლიო ჩემპიონატის გათამაშებაზე ჰოლანდიის ნაკრებმა მეორე ადგილი დაიკავა, წააგო რა  ფინალური მატჩი ესპანეთის ნაკრებთამ. აღნიშნულ მმსოფლიო ჩემპიონატზე კრიტიკოსების მხრიდან ჰოლანდიის გამოსვლა დადებითად შეფასდა. მწვრთნელი ბერტ ვარ მაარვიკი საკმაოდ რთული ამოცანის წინაშე დგას.

ბერტ ვან მაარვიკი

ბერტ ვან მაარვიკი

ერთის მხრივ მან წაგებული ფინალისგან გამოწვეული იმედგაცრუება უნდა გაუქარწყლოს გულშემატკივრებს, მეორეს მხრივ კი, თავი უნდა მოუყაროს იმ 23 ფეხბურთელს, რომლებიც შეძლებენ ევროპის ჩემპიონატზე წარმატებით ასპარეზობას.

რამდენიმე დღის წინ დასახელდა ევროპის 2012 წლის ჩემპიონატზე მოასპარეზე გუნდების საბოლოო შემადგენლობები. ბერტ ვან მაარვიკმა ამ 23 ფეხბურთელით დააკომპლექტა ნიდერლანდების სამეფოს გუნდი. მეკარეები: ტიმ კრული (ნიუკასლ იუნაიტედი/ინგლისი), მარტენ სტეკელენბურგი (რომა/ირალია), მაიკლ ვორმი (სუონსი/ინგლისი). მცველები: ხალიდ ბულაჰრუზი (შტუდგარტი/გერმანია), ვილფრედ ბოუმა (პსვ/ჰოლანდია), ჯონ ჰეიტინგა (ევერტონი/ინგლისი), ჯორის მატიისენი (მალაგა/ესპანეთი), რონ ვლაარი (ფეინოორდი/ჰოლანდია), გრეგორი ვან დერ ვილი (აიაქსი/ჰოლანდია), ჯეტრო ვილემსი (პსვ/ჰოლანდია). ნახევარმცველები: იბრაჰიმ აფელაი (ბარსელონა/ესპანეთი), მარკ ვან ბომელი (მილანი/იტალია), ნაიჯელ დე იონგი (მანჩესტერ სიტი/ინგლისი), სტენ შაარსი(ლისაბონის სპორტინგი/პორტუგალია), ვესლი სნეიდერი (ინტერი/იტალია), კევინ სტროოტმანი (პსვ/ჰოლანდია), რაფაელ ვან დერ ვაარტი (ტოტენჰემი/ინგლისი). თავდამსხმელები: კლას-იან ჰუნტელაარი (შალკე/გერმანია), ლუკ დე იონგი (ტვენტე/ჰოლანდია), დირკ კიუიტი (ლივერპული/ინგლისი), ლუსიანო ნარსინგი (ჰერენვენი/ჰოლანდია), რობინ ვარ პერსი (არსენალი/ინგლისი), არიენ რობენი (მიუნხენის ბაიერნი/გერმანია).

ჰოლანდიის ნაკრები ევროპის ჩემპიონატის მოგების ერთ-ერთ მთავარ პრედენტენტად მოიაზრება. მაარვიკის გუნდმა შესარჩევი ეტაპი წარმატებით გაიარა. ჯგუფში შევედეთთან, უნგრეთთან, ფინეთთან, მოლდოვასა და სან მარინოსთან ერთდ იყო განთავსებული და 10 გამართული შეხვედრიდან 9 მოიგო. ერთდ ერთი შეხვედრა შვედეთის ნაკრებთან დათმო სტუმრად, ანგარიშით 3-2. ბურთების შეფარდებაც შთამბეჭდავად გამოიყურება: 37 გატანილი და 8 გაშვებული. გატანილი გოლების რაოდენობა ცხადს ყოფს, რომ ნარინჯისფრებს თავდასხმის ხაზში პრობლემა არ გააჩნიათ. ცენტრალური თავდამსხმელის პოზიციაზე ბუნდესლიგის გათამაშების ბომბარდირი (28 გოლი) ჰუნტელაარი ითამაშებს. მარჯვენა ფლანგზე ინგლისის პრემიერ ლიგის ბომბარდირი (30 გოლი) რობინ ვან პერსი ითამაშებს. ფლანგიდან საკმაოდ სწრაფად შეუძლია შეიჭრას ცენტრისკენ და ეფექტური დარტმებით საფრთხე შეუქმნას ნებისმიერი მოწინააღმდე გუნდის მეკარეს. მარცხენა ფლანგზე არიენ რობენი განთავსდება. მისი ძალა საკმაოდ კარგად გამოჩნდა ინგლისთან შეხვედრისას ამხანაგურ მატჩში, სადაც ინდივიდუალური თამაშის ხარჯზე დუბლი შეასრულა. მართალია ვესლი სნეიდერს იტალიურ ინტერში წლევანდელი სეზონი წარმატებულად არ შეიძლება ჩავუთვალოთ, მაგრამ ბოლო მსოფლიო ჩემპიონატის ერთ-ერთი საუკეთესო ფეხბურთელი ნამდვილად შეეცდება ევროპის ჩემპიონატზე ღირსეული და საუკეთესო 10 ნომრად ითამაშოს. როგორც თვითონ აღნიშნავს პროგრამა მინიმუმ ფინალში გასვლა იქნება. რაფაელ ვან დერ ვაარტი სავარაუდოდ ცენტრში ვან ბომელს დაუწყვილდება. საკმაოდ ტექნიკური ფეხბურთელია და თავდასხმის ხაზს შედეგიანი გადაცემებითაც მოამარაგებს. სავარაუდოდ, თვითონაც აქტიურად ჩაერთვება შეტევებში და გააძლიერებს კიდეც წინა ხაზს. ძალიან სასიხარულოა, რომ იბრაჰიმ აფელაი გამოჯანმრთელდა. მაარვიკი ენდობა მას და მისცემს კიდეც თავის გამოჩენის საშუალებას. აფელაი ფლანგის შემტევი ფეხბურთელია, აქვს სისწრაფეც და ტექნიკაც. მოედნის ცენტრში, აღსანიშნავია კევინ სტროოტმანის საკმაოდ თავდაჯერებული თამაში და გამორიცხული არაა ვან ბომელის ნაცვლადაც კი ვიხილოდ ზგიერთ შეხვედრაში.

დაცვის ხაზი შედარებით სუსტი წერტილია. ჰოლანდიელთა თავკაცი აქ გარკვეული პრობლემების წინაშე დგას. 23 წლის მარცხენა მცველმა ერიკ პიტერსმა ფეხის ტრავმა მიიღო და, სამწუხაროდ, ვეღარ მიიღებს მონაწილეობას ევროპულ ტურნირზე. მაარვიკი, ალბათ, მისსავე თანაგუნდელ, ჩემპიონატში მონაწილე ფეხბურთელთა შორის ყველაზე ახალგაზრდა, 18 წლის ჯეტრო ვილემსს დააყენებს პიტერსის ადგილას. არასახარბიელო ფორმაშია ესპანურ მალაგაში მოასპარეზე მატიისენი, რასაც ვერ ვიტყვი ევერტონის უკანახაზელ ჯონი ჰეიტინგაზე და, სავარაუდოდ, მასვე მოუწევს დაცვის ხაზზე პასუხიმგებლობის აღებაც.

ჩემპიონატის დაწყებამდე რამდენიმე დღეღა რჩება. ამხანგურ ტესტმატჩებს ჰოლანდიის ნაკრები 2 ივნისს ირლანდიასთან შეხვედრით დაასრულებს. მანამდე ნარინჯისფრებმა ბულგარეთთან დათმეს შეხვდა 1-2 და მოუგეს სლოვაკეთს 2-0.

1988 წელს, გერმანიაში გამართულ ევროპის ჩემპიონატზე ჰოლანდიის ნაკრებმა პირველად მოიპოვა ჩემპიონობა. ვან ბასტენი საუკეთესო ფეხბურთელად და საუკეთესო გოლეადორად დასახელდა 5 გატანილი გოლით. 59 წლის მწვრთნელი – ბერტ ვან მაარვიკი შეეცდება გუნდს ძველი დიდება მოუტანოს და თასი ჰოლანდიელებმა ჩაიბარონ. 2002 წელს ჰოლანდიურ ფეინოორდთან ერთად უეფას თასის მფლობელი გახდა, 2010 წლის სამხრეთ აფრიკის მსოფლიო ჩემპიონატზე ჰოლანდიასთან ერთდ კი მეორე ადგილოსანი. მაარვიკი შეტევითი ფეხბურთის მოყვარულია. იმედი აქვს ოცნებას აიხდენს და ევროპის უძლიერესი ნაკრების ტიტულს მისი გუნდი დაიმსახურებს.